Diaspora e solidarizuar: Dita e Solidaritetit me Diasporë për herë të parë në Kosovë!

Për herë të parë këtë vit, u mbajt Dita e Solidaritetit me Diasporën, një nismë e re që synon të forcojë lidhjet midis Kosovës dhe komunitetit të saj të diasporës, dhe për të promovuar angazhimin e përbashkët për komunitetin. 

Me 29 korrik 2024, në bashkëpunim me organizatën partnere GERMIN në kuadër të programit OriginAL, 27 të rinj (18-24 vjeç) nga diaspora u angazhuan në 12 biznese dhe mblodhën një fond prej 320 euro.

Gjatë muajit korrik solidarë janë bërë 8 biznese të reja, kurse 4 të tjerat u ribashkuan nga iniciativat e kaluara të Ditës së Solidaritetit. 

• Në Bubble Pub u angazhuan 2 vullnetarë 
• Në Zaza Food u angazhuan 3 vullnetarë 
• Në Pasta Fasta u angazhuan 3 vullnetarë 
• Në Crust n Crumb u angazhuan 2 vullnetarë 
• Në Newborn Brew u angazhuan 2 vullnetarë 
• Në Memo Cafe u angazhuan 2 vullnetarë 
• Në Papirun u angazhuan 2 vullnetarë
• Në Miqt Pub u angazhuan 2 vullnetarë 
• Në Taunita Foods u angazhuan 2 vullnetarë 
• Në Vizi Food u angazhuan 2 vullnetarë
• Në Servis Fantazia u angazhuan 2 vullnetarë 
• Në Shpija e Vjeter u angazhuan 3 vullnetarë

Këto fonde do të përdoren për të mbështetur Çmimin e Vullnetarit/es të Vitit nga Diaspora – një iniciativë që ka për qëllim të nderojë dhe të vlerësojë individët nga diaspora të cilët kanë kontribuar në zhvillimin dhe përmirësimin e komunitetit në Kosovë, dhe të inspirojë të tjerët të bëjnë të njejtën.

Një falenderim i shkon partnerëve tonë nga GERMIN, si një organizatë e mirënjohur për angazhimin e saj me diasporën, e cila bëri të mundur realizimin e kësaj dite me sukses; si dhe vullnetarëve të OriginAL, të cilët me entuziasmin dhe zellin e tyre lanë pasë gjurmët e tyre në komunitet.

Gjithashtu, bizneset lokale duke hapur dyert e tyre për vullnetarët, vazhdojnë të dëshmojnë se janë të gatshëm të mbështesin iniciativat që kontribuojnë mbi komunitetin dhe nxisin lidhjet pozitive me diasporën.

Suksesi i këtij aktiviteti do të hap rrugën për iniciativat e radhës, ku diaspora jonë do të vijojë angazhimin e saj për ta bërë Kosovën një vend me të mirë.

Dita e Solidaritetit me Diasporë u organizua në bashkëpunim me organizatën GERMIN në kuadër të Programit OriginAL.