Komuna e Kamenicës nënshkruan Memorandum Mirëkuptimi me organizatën Kosovare për Talent dhe Arsim – TOKA

7 Shtator, 2021

Kryetari i Komunës së Kamenicës, Qëndron Kastrati, së bashku me zyrtaren nga Drejtoria Komunale e Arsimit, Lejla Leci, kanë pritur në takim drejtoreshën ekzekutive të organizatës TOKA, Jehona Gjurgjeala, si dhe përfaqësues nga kjo organizatë, me ç’rast kanë nënshkruar edhe një Memorandum Bashkëpunimi për zhvillimin e projekteve që do të mbështesin dhe përmirësojnë nxënien dhe aftësimin e nxënësve të Komunës së Kamenicës.

I pari i komunës, Qëndron Kastrati, tha se është shumë e rëndësishme përmirësimi i mësimnxënies dhe aftësimi i nxënsëve të komunës sonë.

“Trajnime në fusha të ndryshme, vizita studimore e kulturore, kamping, ofrimi i kurrikulës, e shumë aktivitete të tjera, do tu ofrohen të rinjëve tanë nga marrëveshja e nënshkruar me organizatën Kosovare për Talent dhe Arsim – TOKA. Bashkë me Lejlën, takuam drejtoren e TOKA-s, Jehona Gjurgjeala dhe përfaqësues tjerë, për të diskutuar lidhur me marrëveshjen dhe aktivitetet që do të realizohen. Për ne është tejet i rëndësishëm përmirësimi i mësimnxënies dhe aftësimi i nxënësve tanë. Këtë po e dëshmojmë çdo ditë me avancimin e shërbimeve dhe aktiviteteve, që ata të kenë më shumë hapësirë dhe atraktivitet”, tha Kastrati.

Edhe drejtoresha ekzekutive e organizatës Toka, Jehona Gjurgjeala, tha se ndjehet e lumtur për këtë bashkëpunim me Komunën e Kamenicës, duke shpresuar që ky të jetë vetëm fillimi i bashkëpunimeve.

Ndryshe, nga ky memorandum do të organziohen trajnime të ndryshme, vizita kulturore, realizimi i kampeve, ofrimi i kurrikulës, vizita studimore e shumë aktivitete të tjera.

Share:

Të fundit

Këto janë zhvillimet më të fundit nga programet dhe aktivitetet tona.

Mundësi bashkëpunimi me Biznese për Ditën e Solidaritetit 2024!

Lexo më shumë

Përkrahësit e Rinisë në TOKA – Rriten e zhvillohen përderisa ndihmojnë ...

Lexo më shumë

Cilat janë përshtypjet dhe përjetimet e të rinjve në programet tona? 

Lexo më shumë

Ekosistemi i Vullnetarizmit Edukativ po zhvillohet në nivel lokal!

Lexo më shumë

Tregimi i Ditës së Solidaritetit – Njoftohuni me iniciativën me të cilë...

Lexo më shumë

Organizatat fituese të Fondit të Ditës së Solidaritetit po zbatojnë projektet...

Lexo më shumë
Shiko te gjitha