AMBASADORI NORVEGJEZ TAKON SUPER-VULLNETARËT!

Kampet e organizatës TOKA janë përplot aktivitete ku të rinjtë zhvillojnë shkathtësi të reja, kontribuojnë për komunitet por edhe takojnë miq të rinjë.

Gjatë kampit të Super-Vullnetarëve, Ambasadori i Norvegjisë në Kosovë, z. Per Strand Sjaastad vizitoi kampistët për të parë projektet e tyre vullnetare që i kanë realizuar për të përmirësuar Qendrën Rekreative të Gërmisë.

Gjatë kafes së mëngjesit Ambasadori bisedoi me Super-Vullnetarët edhe për mundësitë dhe sfidat gjatë përzgjedhjes së profesionit. Ai ndau me ta rrugëtimin e tij se si është bërë Ambasador dhe përmendi sa e rëndësishme është që të jesh modest dhe të bësh punën me zell.

Ne dhe të gjithë Super-Vullnetarët i jemi shumë mirënjohës Ambasadorit për vlerësimin e madh që ka për punën vullnetare.