Projekti ‘’Basket me Thyesa’’ u finalizua dje me një ceremoni përmbyllëse!

22 Qershor, 2022

Ka përfunduar projekti “Basket me Thyesa”, projekt ky që ka pasur për qëllim mësimin e thyesave përmes lojës së basketbollit ku fëmijët përpos që janë argetuar kanë fituar edhe shumë njohuri.

Nën udhëheqje të Fakultetit të Edukimit në Universitetin e Prishtinës dhe në bashkëpunim me Universitetin e Kalifornisë në Irvine, menaxhuar nga TOKA, projekti ka filluar duke i trajnuar gjithsej 13 mësimdhënës të klasës së 4-të dhe të 5-të, të shkollave fillore “Hilmi Rakovica”, ‘’Nazim Gafurri’’ dhe ‘’Xhemail Mustafa’’ të komunës së Prishtinës. Trajnimi i ndihmoi ata të kuptojnë përdorimin e një kurrikule alternative për mësimin e thyesave përmes lojës së basketbollit.

Pas trajnimit të mësimdhënësve, ka filluar implemetimi i projektit dhe nxënësit e klasëve të 4-ta dhe 5-ta të këtyre shkollave fillore të Prishtinës kanë mësuar thyesat shumë më ndryshe – përmes lojës së basketbollit. Rëndësia e këtij projekti qëndron në atë se lojërat në fushën e basketbollit dhe aktivitetet që zhvillohen në klasë fokusohen në barazinë dhe angazhimin e të gjithë fëmijëve, me qëllim që tek nxënësit të zhvillohen shkathtësitë për të komunikuar mirë, për të punuar në ekip, të jenë të ndërgjegjshëm, këmbëngulës, të jenë empatik dhe zgjidhës të problemeve.

Një falënderim i veçantë shkon për shkollat fillore ‘’Hilmi Rakovica’’, ‘’Nazim Gafurri’’ dhe ‘’Xhemail Mustafa’’ për bashkëpunimin e treguar përgjatë kohës së implementimit të projektit, mësueseve të angazhuara, dhe më të dashurve – nxënësve të klasëve të 5-ta dhe 4-ta të këtyre shkollave!

Përmes një ceremone përmbyllëse, TOKA shpërndau certifikatat dhe mirënjohjet për të gjithë mësimdhënësit pjesëmarrës dhe punën fantastike që e kanë bërë, përfshi edhe për shkollën “Faik Konica” si shkolla pilotuese e projektit.

Ky aktivitet është pjesë e aktiviteteve ambientaliste, të financuara nga Agjencia Suedeze për Bashkëpunim dhe Zhvillim Ndërkombëtar, (SIDA) përmes Programit të saj “Human Rightivism”, dhe implementohet nga CDF dhe TOKA.

Share:

Të fundit

Këto janë zhvillimet më të fundit nga programet dhe aktivitetet tona.

Vullnetarizmi në Shkolla – Kamenica dhe Skënderaj u bënë Solidare!

Lexo më shumë

Ndikimi Transformues: Arritjet dhe sukseset në projektin HEARMI

Lexo më shumë

Raporti i Katar Index Kosova na tregon për Ndikimin dhe Mundësitë e Programev...

Lexo më shumë

Projekti “Rinia për Podujevën” përmbyllet me sukses të jashtëzako...

Lexo më shumë

Filloi me shumë entuziazëm zbatimi i projektit “Të rinjtë për Podujevën”!

Lexo më shumë

Mundësi bashkëpunimi me Biznese për Ditën e Solidaritetit 2024!

Lexo më shumë
Shiko te gjitha