Nomino tani për Çmimet e Vullnetarizmit të Vitit – Përkrahësit e Vullnetarizmit!

Ti po e lexon këtë artikull sepse ke në mendje dikë që mund të nominosh për Çmimet e Vullnetarizmit të Vitit  në kategorinë e Përkrahësve të Vullnetarizmit, apo synon të nominosh vetveten. Faleminderit për kohën! 

Shih informatat në vazhdim për t’u njohur më mirë me definimin e çmimeve dhe kriteret e nominimit. Paç fat! 

Cilat janë çmimet e Kategorisë B: Përkrahësit e Vullnetarizmit?

1. Biznesi më Përkrahës i Vitit
2. Komuna më Përkrahëse e Vitit
3. Ambasadori/ja i Diasporës më Përkrahës/e i/e Vitit 
4. Figura Publike më Përkrahës/e i/e Vitit

Kush mund të nominohet?

Për çmimin “Biznesi më Përkrahës i Vitit” të drejtë nominimi kanë të gjithë bizneset/përfaqësuesit e bizneseve të cilat:

• Janë të regjistruar dhe veprojnë në Kosovë,
• Kanë dhënë kontribut në kohë, punë, njohuri, fonde për komunitetin dhe vullnetarizmin përgjatë periudhës qershor 2023 – qershor 2024.

Për çmimin “Komuna më Përkrahëse e Vitit” të drejtë nominimi kanë të gjithë komunat/përfaqësuesit e komunave (drejtorë, staf administrativ) të cilat:

• Janë në Kosovë,
• Kanë dhënë kontribut në kohë, punë, njohuri, fonde, shpërblime për komunitetin dhe vullnetarizmin përgjatë periudhës qershor 2023 – qershor 2024.

Për çmimin “Ambasadori/ja i Diasporës më Përkrahës/e i/e Vitit” të drejtë nominimi kanë të gjithë individët, shkollat, universitetetet, organizatat, shoqatat, bizneset, shoqëritë kulturore-artisitke dhe përfaqësuesit e tyre, të cilat:

• Janë të regjistruar dhe veprojnë në diasporë,
• Kanë dhënë kontribut në kohë, punë, njohuri, fonde për komunitetin dhe vullnetarizmin kosovar e rajonal përgjatë periudhës qershor 2023 – qershor 2024.

Për çmimin “Figura Publike më Përkrahës/e i/e Vitit” të drejtë nominimi kanë të gjithë individët e njohur nga publiku me kontribut të dalluar në fushën e kulturës, sportit, politikës, zhvillimit social, ekonomisë, gazetarisë, argëtimit, etj., të cilët:

• Jetojnë dhe veprojnë në Kosovë,
• Kanë dhënë kontribut për komunitetin dhe vullnetarizmin përgjatë periudhës qershor 2023 – qershor 2024.

Kush mund të nominojë?

Nominimet mund t’i paraqesë cilido individ, komunë, biznes, organizatë, institucion që ka informata të sakta për biznesin//komunën/ambasadorin e diasporës/figurën publike të nominuar.  Ata mund të nominojnë edhe vetveten nëse i takojnë njërës nga këto profile. Një individ mund të nominoj disa persona/institucione të ndryshme (pa limit).

Si mund të nominojë veten apo tjetrin?

Ne kemi krijuar nga një formë të veçantë të nominimit për secilin çmim i cili përmban: 

• Termat dhe Kushtet
• Formularin e Nominimit 

Klikoni në linqet e çmimeve përkatëse për të filluar procedurën e nominimit:

Për “Biznesi më Përkrahës i Vitit”, kliko KËTU!

Për “Komuna më Përkrahëse e Vitit”, kliko KËTU!

Për “Ambasadori/ja i Diasporës më Përkrahës/e i/e Vitit”, kliko KËTU! 

Për “Figura Publike më Përkrahës/e i/e Vitit”, kliko KËTU!

Afati i fundit për nominim është 30 shtator 2024, ora 23:59.

Data me rëndësi

Në rast se keni pyetje kontaktoni në: [email protected]g  apo +383 38 704 560

Çmimet e Vullnetarizmit të Vitit përkrahen nga Agjencia Suedeze për Bashkëpunim dhe Zhvillim Ndërkombëtar (SIDA), përmes Programit të saj Human Rightivism që implementohet nga Community Development Fund – CDF; Zyra e Bashkimit Evropian në Kosovë; “SMART Balkans – Shoqëria Civile për Vlera te Përbashkëta në Ballkanin Perëndimor” zbatuar nga Centar za promociju civilnog društva (CPCD), Qendra për Kërkime dhe Krijimin e Politikave (CRPM) dhe Instituti për Demokraci dhe Ndërmjetësim (IDM) përmes grantit rajonal dhe institucional, dhe i mbështetur financiarisht nga Ministria e Punëve të Jashtme Norvegjeze (NMFA); dhe Programi i Bashkimit Evropian “Erasmus+”.