TOKA FITON GARËN E PARË DIG DATA TË MFK!

TOKA është një ndër 4 organizatat fituese të garës së parë DIG DATA të Fondacionit të Mileniumit të Kosovës (MFK)!

Jemi shumë të gëzuar që jemi një ndër 4 fituesit e garës “Intervenimi në Qeverisje Bazuar në të Dhëna të Hapura” me projektin “Girls Power Up” (T’i fuqizojmë vajzat!), projekt i cili përmes trajnimit dhe edukimit jo-formal synon të fuqizoj vajzat e shkollave të mesme (klasat 10-të dhe 11-të) nga vendet rurale të Kosovës.

Qëllimi kryesor i projektit është që këto vajza të zhvillojnë shkathtësi të reja që do të ju rrisin mundësitë për punësim, si dhe të përjetojnë rritje të vetbesimit që t’i bëj ato më të forta për t’u përballur me presionet shoqërore.

Në fund, të gjeturat nga ky projekt do t’i ndajmë me publikun e gjerë duke shpresuar se këto të dhëna do të ndihmojnë në gjetjen e mënyrave më efikase për të fuqizuar gratë në Kosovë!