Bursistët e “LULËZOJNË x Fatlinda Drejta Karahoda”

Albana Ajvazi është nga Kamenica dhe është në vitin VI të studimeve në Mjekësi të Përgjithshme, në Fakultetin e Mjekësisë, Universiteti i Prishtinës. E përkushtuar dhe e vendosur, ajo ka përballuar me guxim sfidat financiare, emocionale dhe sociale që sjell studimi larg familjes, duke mos u larguar asnjëherë nga ëndrra e saj për t’u bërë mjeke. Përveç rezultateve të mira në studime dhe pjesëmarrjes në trajnime të ndryshme, Albana dallohet edhe për ndjeshmërinë dhe anën e saj krijuese. Në kohën e lirë merret me pikturë, shkrim të prozës dhe tregimeve. Në të ardhmen, Albana synon që të bëhet specialiste e mjekësisë interne, që jo vetëm trajton sëmundjen, por ndihmon në ndryshimin e jetës së pacientëve.

Anisa Ademi është nga Ferizaji dhe është në vitin I të studimeve në Infermieri të Përgjithshme, në Fakultetin e Mjekësisë, Universiteti i Prishtinës. E përkushtuar dhe e kujdesshme, ajo ka vazhduar rrugëtimin e saj akademik pavarësisht sfidave financiare që sjell studimi në një qytet tjetër. Përvoja e saj praktike në infermieri dhe barnatore e kanë ndihmuar të zhvillojë aftësi profesionale, komunikim të mirë me pacientët dhe ndjenjë të fortë përgjegjësie. Në kohën e lirë merret me këndim, vallëzim, pingpong dhe vullnetarizëm. Në të ardhmen, Anisa synon të bëhet një infermiere profesioniste dhe e përkushtuar, si dhe të hapë poliklinikën e saj së bashku me binjaken e saj.

Erëza Cakolli është nga Gjilani dhe është në vitin III të studimeve në Mjekësi të Përgjithshme, në Fakultetin e Mjekësisë, Universiteti i Prishtinës. E përkushtuar dhe empatike, ajo ka përballuar sfidat akademike, emocionale dhe financiare të studimeve me shumë durim dhe përgjegjësi, duke vazhduar të ecë drejt ëndrrës së saj për t’u bërë mjeke. Erëza dallohet për disiplinën, aftësinë për të punuar nën presion dhe interesimin e vazhdueshëm për tema shkencore dhe shëndetin publik. Në kohën e lirë pëlqen muzikën, vallëzimin dhe përgatitjen e ëmbëlsirave. Në të ardhmen, ajo synon të specializohet në gjinekologji ose pediatri dhe të ketë ndikim të drejtpërdrejtë në përmirësimin e shëndetit publik dhe mirëqenies së pacientëve.