Verë e Shkëmbimeve në Kampet e TOKAs!

Këtë verë, 92 të rinj nga e gjithë bota udhëtuan për në Kampet e TOKAs, ku përmes tri kampeve morrën me vete kujtime dhe aventura të reja. Këto kampe ishin për ndërtimin e miqësive të reja globale, shkëmbimin e kulturave dhe ndikimin pozitiv në komunitetet e tyre.

Kampi Ndërkombëtar i Aventurës: Lidhja e Kulturave përtej Kontinenteve

Gjatë 8 ditëve, 40 të rinj nga Izraeli, Kosova, Maqedonia e Veriut dhe SHBA-ja u mblodhën për një përvojë me aventura. 

• Ata shëtitën në shtigjet e bukura të Jazhnicës;
• Eksploruan qytetin historik të Prizrenit;
• Dhe u angazhuan në projekt vullnetar që la gjurmë të prekshme në Qendrën në Nashec.

Bizneset dhe profesionistët lokalë vizituan kampin për të ndarë njohuritë dhe përvojat e tyre. Falenderojmë bizneset: 

• Banka për Biznes, 
• FINCA dhe 
• Hallakate që inspiruan kampistë të mendojnë për karrierat e tyre të ardhshme.

Një vizitë nga biznesmeni Krenar Batusha nga Pro Real Estate ishte veçanërisht motivuese, pasi ai ndau këshilla të vlefshme me kampistët bazuar në përvojën e tij si bashkëpronari dhe themeluesi i Pro Real Estate.

Nga mësimi i gjuhëve të njëri-tjetrit deri te ndarja e pëvojave kulturore, ky kamp dëshmoi se kur të rinjtë bashkohen, ata mund të thyejnë barrierat dhe të krijojnë lidhje të përhershme.

Kampi i Lidershipit: Të rinjtë Solidarë

Kampi i Lidershipit mirëpriti 24 të rinj nga 8 komunat e Kosovës të cilët avancuan shkathtësitë e tyre të lidershipit përmes 4 ditëve me anë të aktivitete argëtuese.

Këta liderë të rinj gjatë ditëve të kampit, u përgatitën për të bashkë udhëhequr ndryshimin në shkollat dhe komunitetet e tyre që vjen përmes Ditës së Solidaritetit gjatë vjeshtës të këtij vit.

Ky kamp ishte një trampolinë e vërtetë për fuqizimin e brezit të ardhshëm të liderëve të rinj.

Kampi Evropian i Ditës së Solidaritetit: Prizreni – Pika e Takimit për vullnetarë evropian!

Ky kamp isht në bashkë udhëheqje me Rrjetin e Organizatave SAME, i cili  mblodhi 28 të rinj nga 7 shtete të botës – Shqipëria, Kosova, Gjermania, Belgjika, Italia, Danimarka dhe Maqedonia e Veriut për 7 ditë me plot shkëmbime, përjetime dhe solidarizëm. 

Ky nuk ishte thjesht një kamp – ishte një platformë për forcimin e angazhimit të të rinjve në Ditën e Solidartietit në shtetet e tyre. 

Ndërsa diskutonin për komunitetet e tyre dhe mësonin për Ditën e Solidaritetit, këta aktivistë të rinj shkëmbyen gjithashtu histori dhe përvoja duke festuar kulturat e ndryshme që e bënë këtë kamp kaq të veçantë.

Kampet e TOKA-s nuk janë thjesht për argëtim – ato kanë të bëjnë me fuqizimin e të rinjve për të udhëhequr, për t’u lidhur dhe për të krijuar ndryshime të vërteta dhe të qëndrueshme në komunitetet e tyre dhe më gjerë.

Kampet Verore përkrahen nga Agjencia Suedeze për Bashkëpunim dhe Zhvillim Ndërkombëtar (SIDA), përmes Programit të saj Human Rightivism që implementohet nga Community Development Fund – CDF; Zyra e Bashkimit Evropian në Kosovë; “SMART Balkans – Shoqëria Civile për Vlera te Përbashkëta në Ballkanin Perëndimor” zbatuar nga Centar za promociju civilnog društva (CPCD), Qendra për Kërkime dhe Krijimin e Politikave (CRPM) dhe Instituti për Demokraci dhe Ndërmjetësim (IDM) përmes grantit rajonal dhe institucional, dhe i mbështetur financiarisht nga Ministria e Punëve të Jashtme Norvegjeze (NMFA). Kampet poashtu mbështeten nga rrjeti i organizatave SAME dhe Schüler Helfen Leben Johnston Rotary Club. Si dhe nga bizneset lokale – Hallakate, Rilokimi, Pro Real Estate, Ujë Rugove, Trosha, OZON, Frutti, ENLIGHT, Albas, Basecode, EGI Group, Dukagjini, Banka për Biznes, FINCA Kosovë dhe Kutia.