Projekti Punëtoritë e Demokracisë “Demos-Ti”, i implementuar nga TOKA nga shtatori 2016, deri më dhjetor 2018, i është transferuar dhe do të implementohet nga Kuvendi i Kosovës.
“Demos-Ti”, një projekt ndërkombëtar i mbështetur nga Fondacioni Austriak ERSTE në partneritet me Kuvendin e Kosovës, nxiti interesin e më shumë se 9100 të nxënësve për qytetari aktive dhe demokraci, duke zhvilluar te ta kompetencën e mediave dhe gatishmërinë e shprehjes së mendimit të lirë.
Ky projekt u implementua përmes punëtorive gjysmë ditore në të cilat nxënësit e klasave 5 – 9-ta të morrën pjesë në krijimin e përmbajtjeve interaktive për tema shoqërore të rëndësishme, si rëndësia e votës, ndarja e pushtetit, roli i deputetëve, qytetaria aktive dhe funksioni i mediave në demokraci. Gjithashtu, si pjesë e punëtorive nxënësit vizituan Kuvendin e Kosovës, si dhe krijuan revista dhe video me njohuritë e fituara për demokracinë.
Rëndësia e këtij programi qëndron në edukimin dhe përfshirjen qyterare si baza të një demokracie në veprim. Kjo ka një rëndësitë vecantë për një shtet të ri si Kosova, i cili ka një demokraci në ndërtim.
Investimi në edukimin qytetar te të rinjtë mbështetë zhvillimin e përgjithshëm të një shoqërie demokratike duke rritur numrin e qytetarëve të përgjegjshëm të cilët do t’i kontribuojnë pozitivisht të ardhmes së vendit.
Këto janë zhvillimet më të fundit nga programet dhe aktivitetet tona.
Na ndiqni për më të fundit
Zyra e Bashkimit Evropian në Kosovë është partneri më strategjik i TOKA-s, përmes mbështetjes së ofruar nga Marrëveshja Kornizë e Partneritetit (FPA). Kjo faqe interneti mirëmbahet me mbështetjen financiare të Bashkimit Evropian. Përmbajtja e tij është përgjegjësi e vetme e TOKA-s dhe nuk pasqyron domosdoshmërisht pikëpamjet e Bashkimit Evropian.
