Rreth 50 Mbështetës të Kampanjës së “Vullnetarizmit të Vitit”!

18 Korrik, 2024

Kosova është plot me ndryshimtarë të cilët përmirësimin e komunitetit e shohin si përgjegjësi personale, andaj vlerësojmë se kontributi i gjithësecilit duhet nderuar e shpërblyer – sidomos kur i gjithë përkushtimi vie në formë të punës vullnetare.

Pikërisht për këtë arsye kemi lansuar për herë të parë fushatën vjetore dhe ngjarjen e ndarjes së Çmimeve të Vullnetarizmit të Vitit me synim mirënjohjen, promovimin dhe zgjerimin e pjesëmarrjes në vullnetarizëm.

Kjo fushatë përfshin të gjithë të rinjtë, komunat, shkollat, bizneset, përfaqësuesit e diasporës dhe figurat publike, të cilët kontribuojnë në komunitet në forma të ndryshme, me fokus të veçantë në kontributin përmes punës vullnetare.

Mbështetja deri tani: Fushata tashmë ka fituar mbështetjen publike e rreth 50 hisedarëve, duke përfshirë:

Komunat: Ferizaj, Istog, Hani i Elezit, Podujeva, Peja, Suhareka dhe Prizreni.
Përfaqësitë diplomatike në Kosovë: Ambasada Britanike (e para që u kontaktua), me synimin për të përfshirë vendet e QUINT-it dhe më shumë.
Organizatat Ndërkombëtare: Albinfo, American Advising Center, GAIA, Manchester Aid to Kosovo, Play International, YMCA Kosovo.
Organizatat Vendore: 7 Arte, ANIBAR, ATOMI, CDF, CIPOF, DokuFest, Down Syndrome Kosova, EC Ma Ndryshe, ETEA, Fondacioni 17, Germin, HANDIKOS, ICK, Ipko Foundation, KCSF, Kosova Women 4 Women, KVRL Drenas, KVRL Gjakovë, KYC, KQHPSM, Laps, Shoqata Nënë Tereza, OJQ ZANA, Oda e Hotelerisë dhe Turizmit, OMM Gjethi, Orca, QIPS, QKSGJ, RYCO, SHE-ERA, Teach for Kosova, The Ideas Partnership, YIHR.

Ne jemi shumë mirënjohës që kemi këto institucione dhe organizata lokale, kombëtare dhe ndërkombëtare mes nesh për të mbështetur kampanjën, e cila synon të njohë dhe shpërblejë të gjithë ata që janë të përkushtuar për të bërë Kosovën më të mirë.

E në qoftë se ti dëshiron me nominu veten apo dikë tjetër për një ndër çmimet, atëherë kliko në këtë link për të mësuar më shumë!

Çmimet e Vullnetarizmit të Vitit përkrahen nga Agjencia Suedeze për Bashkëpunim dhe Zhvillim Ndërkombëtar (SIDA), përmes Programit të saj Human Rightivism që implementohet nga Community Development Fund – CDF; Zyra e Bashkimit Evropian në Kosovë; “SMART Balkans – Shoqëria Civile për Vlera te Përbashkëta në Ballkanin Perëndimor” zbatuar nga Centar za promociju civilnog društva (CPCD), Qendra për Kërkime dhe Krijimin e Politikave (CRPM) dhe Instituti për Demokraci dhe Ndërmjetësim (IDM) përmes grantit rajonal dhe institucional, dhe i mbështetur financiarisht nga Ministria e Punëve të Jashtme Norvegjeze (NMFA); dhe Programi i Bashkimit Evropian “Erasmus+”.