Hatixhja i është bashkuar TOKAs në vitin 2016 ku përgjatë këtyre viteve ka pasë role të ndryshme duke përfshirë udhëheqjen e programeve të edukimit jo-formal, krijimin e bashkëpunimeve në nivel kombëtar dhe ndërkombëtar dhe menaxhimin e ekipit.
Roli i Hatixhes në TOKA është që ta shtyjë përpara vizionin e TOKAs, përmes planifikimit strategjik, zhvillimin e bashkëpunimeve me hisedarë kyç dhe të interesuar, dhe menaxhimin e ekipit të TOKAs.
Ajo ka përfunduar studimet në Psikologji në Universitetin e Prishtinës dhe është kosovarja e parë që u përzgjedh për programin prestigjioz të Departamentit të Shtetit Amerikan ‘Community Solutions Program”. Ajo është trajnuar në Metodologjinë e Vullnetarizmit Edukativ (Service-Learning) nga CLAYSS, Argjentinë dhe është certifikuar në Programin “Social Innovation and NGO Management” nga University of Vienna School of Economics and Business.
Puna me institucione vendore, partnerë kombëtar e ndërkombëtarë, mësimdhënës, drejtorë të shkollave dhe puna me të rinj e ka përgatitur Hatixhen që ta njohë më thellësisht nevojat në ekosistemin e edukimit, aktivizmit qytetar dhe vullnetarizmit në Kosovë dhe rajon.
Ajo mendon se një ndër shtytësit më të mëdhenj për zhvillimin e një shoqërie është edukimi cilësor dhe aftësimi i të rinjve për punë dhe jetë. Në TOKA këto të dyja marrin vendin qendror dhe punohet me përkushtim drejt promovimit të një fryme të re në Kosovë. Këto gjëra i shtojnë motivimin që të punoj çdo ditë drejt këtij qëllimi.
Këto janë zhvillimet më të fundit nga programet dhe aktivitetet tona.
Na ndiqni për më të fundit
Zyra e Bashkimit Evropian në Kosovë është partneri më strategjik i TOKA-s, përmes mbështetjes së ofruar nga Marrëveshja Kornizë e Partneritetit (FPA). Kjo faqe interneti mirëmbahet me mbështetjen financiare të Bashkimit Evropian. Përmbajtja e tij është përgjegjësi e vetme e TOKA-s dhe nuk pasqyron domosdoshmërisht pikëpamjet e Bashkimit Evropian.
