Plot 47 Mbështetës të Kampanjës së “Vullnetarizmit të Vitit”!

Kosova është plot me ndryshimtarë të cilët përmirësimin e komunitetit e shohin si përgjegjësi personale, andaj vlerësojmë se kontributi i gjithësecilit duhet nderuar e shpërblyer – sidomos kur i gjithë përkushtimi vie në formë të punës vullnetare. 

Pikërisht për këtë arsye kemi lansuar për herë të parë fushatën vjetore dhe ngjarjen e ndarjes së Çmimeve të Vullnetarizmit të Vitit me synim mirënjohjen, promovimin dhe zgjerimin e pjesëmarrjes në vullnetarizëm. 

Kjo fushatë përfshin të gjithë të rinjtë, komunat, shkollat, bizneset, përfaqësuesit e diasporës dhe figurat publike, të cilët kontribuojnë në komunitet në forma të ndryshme, me fokus të veçantë në kontributin përmes punës vullnetare. 

Deri më tani jemi të lumtur të ju njoftojmë se kësaj kampanje iu janë bashkuar një komunitet i gjerë prej 47 mbështetësve, ku përfshihen 7 komuna, si ajo e Ferizajit, Istogut, Hanit të Elezit, Podujevës, Pejës, Suharekës dhe Prizrenit. 

Përveç institucioneve, mbështetës kemi 34 organizata lokale si KCSF, ATOMI, CDF, Mother Teresa Society, American Advising Center, YMCA, Germin, Down Syndrome Kosova, EC Ma Ndryshe, CIPOF, OMM Gjethi, NGO ZANA, KVRL Drenas, KVRL Gjakovë, Albinfo, Oda e Hotelerisë dhe Turizmit, SHE-ERA, Fondacioni 17, Kosova Women 4 Women, ICK, YIHR, 7 Arte, DokuFest, HANDIKOS, The Ideas Partnership, Ipko Foundation, ANIBAR, QIPS, ETEA, Laps, Orca, QHPSM, QKSGJ, Teach for Kosova; si dhe 6 organizata ndërkombëtare si GAIA, Play International, Manchester Aid to Kosovo, KYC, RYCO, dhe British Embassy.

Jemi shumë mirënjohës të kemi në mesin tonë këto institucione e organizata lokale, kombëtare e ndërkombëtare në një vend për mbështetur kampanjën e cila synon të njeh e shpërblejë të gjithë ata të cilët angazhohen për të bërë Kosovën më të mirë. 

E në qoftë se ti dëshiron me nominu veten apo dikë tjetër për një ndër çmimet, atëherë kliko në këtë link për të mësuar më shumë!

Çmimet e Vullnetarizmit të Vitit përkrahen nga Agjencia Suedeze për Bashkëpunim dhe Zhvillim Ndërkombëtar (SIDA), përmes Programit të saj Human Rightivism që implementohet nga Community Development Fund – CDF; Zyra e Bashkimit Evropian në Kosovë; “SMART Balkans – Shoqëria Civile për Vlera te Përbashkëta në Ballkanin Perëndimor” zbatuar nga Centar za promociju civilnog društva (CPCD), Qendra për Kërkime dhe Krijimin e Politikave (CRPM) dhe Instituti për Demokraci dhe Ndërmjetësim (IDM) përmes grantit rajonal dhe institucional, dhe i mbështetur financiarisht nga Ministria e Punëve të Jashtme Norvegjeze (NMFA); dhe Programi i Bashkimit Evropian “Erasmus+”.